ALL set na ang pagpahigayon sa pinakadako nga benefit concert dinhi sa siyudad.
Karong adlawa, buksan ang unang adlaw sa Panagdait Davao, usa a three-night benefit concert alang sa mga biktima ni Pablo.
Sa maong kalamidad wala pa gyud kinatibuk-an nga nakabakod ang mga lugar sa Compostela Valley ug Davao Oriental.
Gatusan ka kinabuhi ang nakalas, butang nga mihatag sa mas sakit nga pagbati ngadto sa nabiktima ug namatyan sa miyembro sa pamilya.
Ang Panagdait Davao, pinakadako nga tigum sa mga lokal ug national artists nga nagkahiusa nga mopa-ambit og tabang sa nanginahanglan.
Ang konsiyerto himuon March 21 to 23, 2013, nga magsugod alas singko sa hapon till midnight diha sa Open Parking Area sa Abreeza Mall, Bajada, ning siyudad.
Karong adlawa ang mga performers mao ang 10th ID Combo, PNP Combo, 4th ID Combo, WIHO. Sky Junkie, Cueshe, Nyoy Volante, True Faith, Wency Cornejo, Quest, Join the Club ug Side A.
Samtang sa adlawng Biyernes, mga performers mao ang CRSAFP Band, SOR APAO, Torak, Jason in Twon, Pedro, Deadman Drop, Lizard Chips, Carlos Agassi, GMA Kapuso stars, Gracenote, Ney, Alamid, Freestyle, ug Southborder.
While sa Sabado, saksihi ang performance sa IMCC Kapagintaw Band, Nairud sa Wabad, Zoko Milk, Hoint, Lost Tribe, Grin Department, Clementine, Budoy, Popong Landero, Joey Ayala, Lolita Carbon, Tropical Depression, Yano ug Wolfgang.
Ang tiket nagbalor og P300 (gold) ug P100 (silver) nga mapalit sa Abreeza Mall.
Ang matigum nga salapi gamiton sa pagpatukod og balay sa mga biktima, uban pang panginahanglanon.
Sa dugang impormasyon, I-like ang ilang Facebook page nga www.facebook/panagdait.
Lingaw-lingaw kita, apan mas best kun uban niini ang tumong nga pagtabang.