Dear Papa Joe,
Ako si Anna, 22 years old, minyo. Ang akong problema mao ang akong bana nga kusog kaayo motan-aw og porn site nga dunay law-ay nga mga hulagway sa babaye. Kada makit-an nako siya nga nagtan-aw og mga video, masakitan ko, mainsulto ug mo end ni sa among away.
Ako na siyang gipasabot nga di ko gusto magtan-aw siya ana kay insulto nako isip asawa. Unsay angay nakong buhaton, Papa Joe, para undangon niya. Salamat and more power.
ALMA Alma,
Tinuod nga insulto kaayo na sa imong side. Sayunan ka nagpabusog daan sa porn movies dayon motupad nimo. Basin di ikaw ang gihunahuna. Lahi na ang giimagine. Siguro bata pa sab ang imong bana ug mao nang naminyo mo og sayo tungod siguro sa kainit niya. Siguro di naka maka turn on niya. Basin lang ba hilig siya og sexy. Well, ayaw sab pagpasagad sa imong lawas. Pero kon tan-aw nimo okay ra ka ug ang problema siya, ayaw lang sa og give-up, padayon lang sa pagmaymay nga way away. Labaw sa tanan iampo na. Panimba mo og dungan para motuhop niya ang kabalaanon sa kaminyuon ug sa babaye.
PAPA JOE
(Sa inyong tampo ipadala lang sa papajoesuperb@gmail.com)