MOKABAT sa P1.2 bilyunes nga balor sa sinakong bugas humay nga gisulod sa cargo containers ang gisusi sa mga opisyal sa Bureau of Customs.
Ang mao nga kargamento maoy labing dako nga pinayuhot sukad niadtong 2003.
Ang cargo containers gibuksan atubangan sa mga tigbalita ni District Collector Edward P. Dela Cuesta, Deputy Commissioner for Intelligence Danilo Lim ug Deputy Commissioner for Assessment ug Operations Prudencio Reyes Jr.
“We just intercepted the mother of all smuggled rice. We’ve hit the mother lode. This is even bigger than the apprehended 400,000 bags of rice in Subic Port. This is more than 600, bags which is enough to feed a community for several months”, matod ni Lim.
Ang P1.2 billion nga gihisgutan ni Lim naglakip sa P600 million nga mga buluhisan ingon man P600 million nga balor sa bugas nga nasakmit.
Kining bugas nga nasakmit sa Sugbo mas daghan ug mas dako og balor kay sa nabaniog nga pinayuhot nga bugas human nga nasakmit sa Subic Freeport Zone sayo ning tuiga.
Ang pagkasakmit sa mao nga bugas maoy nakaaghat sa Senado sa pagpahigayon og
imbestigasyon.
Si de la Cuesta niingon nga kalabot sa mga shipment nga niabot sa Sugbo niadtong Marso 22, siya niisyu na og order of forfeiture pangandam alang sa pagbaligya pinaagi sa public auction.
“This is our effort in going after rice smugglers. We will not leave any stone unturned until we will get to the bottom of these illegal activities”, matod ni Dela Cuesta.
Si Deputy Commissioner for Assessment and Operations Prudencio Reyes Jr. niingon nga di sama sa nangaging katuigan diin ang mga buyer mao ra sab ang mga smuggler, ning higayuna, ang BOC mopahigayon og profiling sa moapil nga bidders.
“We will accredit the participating bidders. We will require them to submit registration of their companies by the Securities and Exchange Commission (SEC) and the audited financial reports of the companies for the past three years,” nagkanayon si Lim.
Si Lim niingon nga ang mga smuggler migamot og mga sako nga dunay markang “Botsokoy,” “Unicorn”, “Dona Conchita” ug “Ruby” nga familiar brands dinhi sa Pilipinas.
Ila kining gituyo aron sa pag-sabot sa shipment, ang mga awtoridad maglisod sa pag-ila nga kini pinayuhot.
Si Lim niingon nga walo ka inilang mga negusyante ang nailhang mga importer sa pinayuhot nga mga bugas humay apan wa siya mobutyag sa mga ngan.
Siya niingon nga kon makakuha sila og lig-ong mga ebidensya batok sa walo ka smugglers, kini iduso ngadto sa “Run After the Smugglers” (RATS) group nga mo-coordinate sa Department of Justice (DOJ) alang sa pagpasaka og kaso.
Ang shipment sa sinakong bugas humay gi-misdeclare nga stone slab, granite slab, granite tiles ug ceiling insulation.
Usa ka press statement sa the CIIS niila sa walo ka mga consignee nga mao ang JJM Global Trading, JM-ARS Trading, Neon Gateway Trading, Ocean Park Enterprises, Custans Enterprises, Melma Enterpises, NMW Enterprises ug MMSM Trading.