ANG nuybe puntos ni Jason Terry mao ang naghatag og kadaugan sa Boston Celtics sulod sa overtime batok sa New York Knicks 97-90 niadtong Dominggo (Lunes, oras sa Pilipinas) aron paglikay sa ilang sayong pagbakasyon sa NBA playoff series.
Sa kadaugan, natapwasan sa Boston Celtics ang bintaha sa Knicks sa ilang best-of-seven series sa Eastern conference playoffs, 3-1.
Giingon nga sa kasaysayan wala pay team sa NBA nga nakadaog human mabiyai og 3-1 sa series apan alang Terry nga ang ilang kadaugan kagahapon nahimo nilang inspirasyon.
“The spirit and heart of a champion is what kept us going,” matod pa ni Terry. “They made a great run at us. But we’re not dead yet.”
Nagtuo si Terry, kinsa mitali og 18 puntos, lakip ang three-pointer sa katapusang 1:32 sa overtime period, nga modagan pa og hataas ang series.
“These are the moments I live for,” dugang ni Terry. “It’s a long series.” Katrina Margarita U. Sia / Febejean R. Oporto – CNU Comm Interns