SECTIONS
Thursday, April 25, 2019
BACOLOD

Professor miuban sa NPA, angol

USA ka kanhi professor sa University of the Philippines (UP) Diliman ang naangol sa nahitabong engkwentro tali 67th Infantry Battalion (67th IB) sa Philippine Army ug New People's Army (NPA) niadtong Martes.

Ang engkwentro nahitabo alas 2:00 sa kaadlawon didto sa Barangay Aliwagwag, Cateel, Davao Oriental.

Si Captain Alberto Caber, tigpamaba sa Eastern Mindanao Command (Eastmincom), nagbutyag sa iyang gipadalang mensahe ning tigsuwat nga ang samaron mao si Kim Gargar, Biology professor sa UP Diliman.

Si Gargar, suma ni Caber, gibilin lamang sa iyang mga kaubang NPA dihang nalupig sa nahitabong binakbakay.

Nakuha gikan kaniya ang usa ka M16 armalite rifle, landmine, ug subersibong dokumento.

Sa maong engkwentro namatay si Kumander Ryan samtang si Gargar nasikop, lima sab ka sundalo ang naangol sa maong hitabo.

Si 67th IB commanding officer Lieutenant Colonel Krishnamurti A. Mortela nagsulti nga si Gargar nasiplatan nga nagbitbit sa iyang armas mga 200 metros gikan sa nahitaboan sa engkwentro.

"First aid was given to him by the troops of 67th Infantry Battalion before he was brought to Davao Oriental provincial hospital, suma ni Mortela.

"Confirmed na UP professor siya, at naging professor din sa ibat-ibang universities," dugang ni Caber.

Giingon nga si Gargar nahimong physics professor sa UP Diliman gikan 2000 hangtud 2003; Don Mariano University sa Cagayan de Oro City gikan 2003 hangtud 2005; Polytechnic University of the Philippines Sta. Mesa sa 2006 hangtud 2007; Mapua University sa tuig 2007 hangtud 2008; ug doctorate scholar sa chronological Biology sa University of Groningen, Netherlands.

Giangkon sab ni Gargar nga mitabang siya kang Communist Party of the Philippines-New People Army (CPP-NPA) founder Joma Sison sa pagpatik og mga libro.

Miuban siya sa NPA didto sa Compostela Valley Province niadtong 2012 dihang iyang asawa nagtrabaho isip magsusuwat sa Bulatlat.com.

Ang dinakpan ipailawom karon sa makuting imbestigasyon sa militar.

Kahinumdoman, miresponde ang militar sa lugar human nadawat ang taho nga dunay presensya sa NPA, apan sa ilang pag-abot sa lugar, ilang nasugatan ang mga armadong rebelde nga miresulta sa tunga sa oras nga pinusilay.

Naangol nga sundalo mao sila Sergeant Mario Torres, Corporal Zhelmer Roquero, Private Frist Class (Pfc.) Gestonie Fabale, Pfc. Trifino Cacdac II, ug Pfc. Ronald Bulacao.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!