ANG City Government of Davao mohatag na sab og financial assistance sa mga biktima sa super typhoon nga Yolanda didto sa Visayas.
Si Davao City Mayor Rodrigo Duterte nagkanayon nga ang donasyon i-agi sa Department of Social Welfare and Development o Philippine Red Cross sama sa ilang gihimo sa pag-igo sa typhoon Ondoy sa Luzon tuig na ang nakalabay.
Ang kantidad sa financial assistance dili pa pinal.
Suma ni Duterte nga i-tsek pa niya kung pila ang available nga kuwarta sa disaster fund sa siyudad.
Sa nakalabay nga bulan, ang Davao City midonar og P18.5 million sa mga biktima sa 7.2 nga linog sa Cebu ug Bohol.
Ang donasyon gikan sa city disaster funds nga may total appropriation nga P129.5 million.
Ang kusog nga hangin dala ang ulan miguba sa unom ka balay sa coastal town sa Cateel sa Davao Oriental.
Laing trese ka balay ang naguba sa dagkong balud sa Lingig, Surigao del Sur.