INIT nga gidawat sa mga Bigueño ug Camiguinon ang mga Kapuso stars nga midagsa sa Vigan ug Camiguin aron makijoin sa Raniag Twilight ug Lanzones Festivals.
Excited nga miabot ang Kapuso Primetime Queen nga si Marian Rivera sa Heritage City sa Vigan.
“First time ko dito. Natutuwa ako kasi nakikita ko lang ito dati sa pictures, ang ganda kasi parang sinaunang panahon.”
Ang mga lamiang pagkaon sa dapit, excited sab nga buot tilawan sa aktres.
“Masarap daw ‘yung empanada dito, mga bagnet, mga longganisa, so excited akong mamili.”
Sa nakalabay nga October 27, gipahalipayan sa aktres ang mga fans niini sa Vigan.
Wa sab mapakyas ang mga Bigueño tungod midagsa ang mga fans atubangan sa Vigan City Hall alang sa Kapuso Fans’ Day sa aktres.
“Masaya ako at isa ito sa mga pagkakataon na inaamin kong naiiyak ako dahil hindi ko alam na ganun palang klase ang pagmamahal talaga sa akin ng mga tao.”
Gishare sab sa aktres nga busy siya sa iyang upcoming projects.
“Ngayong November gagawin ko na ‘yung soap opera ko sa GMA Telebabad so malapit na malapit na ‘yan.”
Una sab ang Fans’ Day, gihimo sab ang unveiling sa giant Christmas tree dungan sa ikaupat nga Raniag Twilight Festival. Ang 5-layer ug 14.7 meters nga Christmas tree nga gipabarog sa Plaza Salcedo nagsilbi nga “animated representation of the sites and traditions” sa siyudad.
Gisalmutan kini nila Congressman Ronald V. Singson; Governor Ryan Luis V. Singson; Mayor Eva Marie S. Medina; Msgr. Vicente Avila - parish priest ng Vigan; Mr. Oliver Victor B. Amoroso, Asst. Vice President for Integrated Marketing Services, GMA Regional TV; ug Mr. Rolando de Leon, designer sa Christmas tree.
Present sab sila Councilor George Villanueva, board members Jerry Singson, Edgar Yabes, ug Constante Oandasan.
Ang GMA Network ang Strategic Partner sa Raniag Twilight Festival ug Christmas Tree Lighting Ceremony.
Samtang last October 26, ang cast sa afternoon drama series nga Pyra mihatag og dugang kolor sa Raniag Twilight Parade.
Gipangunahan kini nila Thea Tolentino, Jeric Gonzales, Elle Ramirez, ug Zandra Summer.
Gisundan sab kini sa Kapuso Night uban sila Angelu de Leon, Mike Tan, Jackie Rice, Kevin Santos ug komedyanteng sila Pekto ug Boobay.
Samtang gihimo sab sa Camiguin ang tinuig nga Lanzones Festival.
Gisugdan kini sa Mutya ng Buahanan 2013 beauty pageant sa Provincial Tourism Center nga gitambungan sa GMA Artist Center talent nga si Derrick Monasterio.
Samtang October 27, ang lead actress sa GMA primetime drama series nga Genesis nga si Rhian Ramos ang bida sa Kapuso Night sa samang venue.
Uban niya sila Bea Binene, Ken Chan, ug Gladys Guevarra.
Ang highlights sa pakiglingaw-lingaw sa GMA Network sa Lanzones Festival makita sa Let's Fiesta TV Special karong November 24 sa GMA regional stations sa Bicol, Cebu, Davao, Iloilo, Dagupan, Ilocos, GenSan, Bacolod, ug CDO.