GIKAMBYOHAN ang usa ka school-based league isip pagpangandam sa mas nindot nga pag-abli sa 10th season.
Sa bag-ong eskedyul, ang upat ka dibisyon nga torneyo sugdan karong Enero 18 nga gilauman mahuman sa Marso sa pagselebrar sa Araw ng Dabaw Festival.
Luyo sa pagkambyo og pangalan ug eskedyul karong season, sumala ni Gaisano Grand Mall Ad ug Promo chief Karla Giorgia P. Corcino nga way kabag-ohan sa kompetisyon.
Pahayag ni Corcino nga ang torneyo alang sa student-athletes, sa eskuwelahan ug sa ilang mga fans nga gikan sa liga sulod sa pila na ka tuig.
"In providing an avenue where the young ones compete for title and, of course, school pride in showcasing their talents and potentials, we make sure that the the spirit of joy and excitement remain enabling the league to continually lure patronage year after year," niya pa.
Moabot sa kinatibuk-ang 80 ka tim ang moapil sa season kauban ang 16 ka men's senior collegiate dibisyon.
Dose ka eskuwelahan ang mag-ilog sa titulo sa lalaki mini 12-under category samtang 14 sa boys cadet 14-under class.
Sa boys junior 18-under division 1, pito ka eskuwelahan ang magharong samtang 20 sa division 2. Ang girls junior dunay unom ka tims.
Unom sab ka team sa women's senior division.
"Everybody is excited to get the ball rolling, anticipating high action and drama, for another breakout season," ni Corcino.
Ang coaches meeting himuon sa Enero 11, 1:30 pm, sa Gaisano Grand Citimall 5th floor entertainment area.
Ang tanang coaches gikinahananglan moapil. (PR)