Tambagi ko Noy Kulas: Nagdumot

DEAR Noy Kulas,

Alang nako, ang labing lisod nga buhaton sa kinabuhi mao ang pagpasaylo sa mga tawo nga nakasala kanato. Hangtod karon di gihapon nako malimtan ang akong past labi na ang akong mga barkada, classmate, silingan o kauban sa trabaho sa una nga nag bully o nagdaugdaug kanako sauna.

Dunay mga higayon nga ila tong gibuhat kanako atubangan sa mga tawo. Naa puy bati nga

comments sa Facebook sauna nga nakabasa ang uban nakong friends. Ila ko gipakauwawan.

Mao nay hinungdan nga ako naghuna-huna nga ako silang i-unfriend or e block sa Facebook. Naghuna-huna pud ko nga kon magkita mi sa personal, di na ko motagad nila.

Morag gusto ko nga manimawos nila ug ma realize nila ang ilang sala. Gusto pud ko nga silang tanan mangayo og pasaylo nako.

Sa tanan, usa ra ang nangayo og pasaylo kanako ug gipaagi niya og message sa FB kay nakakita man siya sa akong pictures nga malipayon na ko sa akong bag-o nga kinabuhi ug bag-o na pud akong mga barkada karon. Dako na ko og kausaban karon. Sa una ila ra kong sayon sayonon og daugdaug kay seguro ubos ra ang ilang pagtan-aw nako sa una. Pero karon lahi na ko. Karon gusto ko nga mo succeed sa tanang areas sa akong kinabuhi, career, business, lovelife ug family apan nisud sa akong huna-huna nga di ko mo succeed kon di gihapon mawagtang akong mga hinanakit sa akong past. Sakto akong amigo nga niingon kanako nga dili ko makasaka sa mga tag-as nga bungtod para kab oton akong mga pangandoy sa kinabuhi kung dili nako mabuhian ug malabay ang bug at nga emotional baggage nga ako gipas an.

Akong mga pangutana mao ni, unsaon nako pagwagtang akong mga hinanakit sa akong past?

Unsaon nako pagpasaylo ang mga tawo nga nakasala kanako kon wa sila nangayo og pasaylo? Nag post ra sila ug status update sa among group sa facebook nga “let’s forget the bad memories.” Last year pa to kay nagplano sila mag reunion. Mao to naglagot ko nga nagbasa sa ilang post. Ni leave ko sa group.

WOLVERINE

Wolverine,

Maorag ikaduha or ikatulo na nimo ning pagpadalag suwat nako. Bitaw, kanang pagpasaylo di na magsugod diha sa uban. Di na magsugod sa pagpangayog pasaylo sa mga tawo nga imong gitan-aw nga nakasala kanimo. Diha kana magsugod kanimo, kana kon bukas ang imong huna-huna ug kasingkasing sa pagpasaylo.

Kita mugna ra sa Ginuo. Apan ang gugma sa Diyos nag-awas-awas nga bisan sa atoang pagpakasala Iyang gipadala si Hesurkisto dinhi sa kalibutan aron moluwas kanato. Kon ang Diyos nakapasaylo kanato, nganong kita nga iya rang mugna di makapasaylo?

Kon kanang libak ug pagpanaut imo nang naagian, utro sab kong nakaagi niana. Sakit

gani kay imo pang mga higala, kauban ug classmate ang manaut. Apan wa ko magtanom og pagdumot ug akong gipalapos sa pikas dunggan ang mga estorya. Ngano man? Una, kon unsa man ko, wa silay labot. Ikaduha, di tinuod ang ilang pagtan-aw ug pagtuo kanako.

Ikatulo, kinsa man kong di makapasaylo nga tawo ra man sab ko nga nakasala?

Mao ni ang huna-hunaon nimo. Di ka gyud tuod moabot sa tumoy sa kalampusan kon nagdala kag bug-at nga kasakit sulod sa imong kaugalingon nga imo ra sab nga mugna.

NOY KULAS

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph