PORMAL nga gipasakaan og kaso ang mga grupo sa acetylene gang nga miransak sa usa ka pawnshop diha sa Jr. Borja St., Cogon ning siyudad sa Cagayan de Oro.

Si Police Senior Inspector Ariel Phillip Pontillas, hepe sa Crime Against Person and Property Desk sa Cagayan de Oro City Police Office niingon nga kasong robbery ang ilang isang-at batok sa mga suspetsado nga naila pinaagi sa tanang sa closed circuit television camera (CCTV).

Ang mga suspetsado nga mao sila si Edmund Pailan, kinsa unang nagpaila nga usa ka engineer samtang nagcheck-in sa Dian Stay inn nga nahimutang sa Pabayo St. ning siyudad ug gigamit niini nga ngalan mao ang Dennis Faisan.

Laing ubang suspek mao sila si Arnel Bagudang, Rico Patungay, Arvis Colon kinsa nag-alyas nga Rocky, Pablo ug uban pa nga pangalan.

Matud ni Pontillas nga dili nila masulti kung anaa paba ang presesnya sa grupo denhi sa siyudad sa siyudad labina uwahing intelligence report ug networking paingon na kini sa area sa Davao, Kidapawan ug Bukidnon.

Kahinumduman nga nagcheck-in ang upat ka mga suspetsado sa room 125 diin sa pansayan nga bahin, ilang gibakbak pinaagi sa barina, milapos sa bodega sa Everbest building ug laing sementadong dingding na usab ang ilang gibakbak aron molapos sa Alsons pawnshop.

Nidumili pa gihapon sa paghatag ang tag-iya sa kinatibuk-an nga kantidad sa nalimas sa mga suspetsado apan giingong P300 mil nga cash uban sa duha ka vault nga alahas ug mga mahalon nga kabtangan nga ibaligyaay unta gihapon ang nabitbit sa maong grupo. (SVB)