NILANDING sa balay tambalanan ang usa ka lalaki human kini gipusil samtang nangiwag sa baybayon nga bahin sa Barangay Balagnan, lungsod sa Balingasag, Misamis Oriental.

Giila ang biktima nga mao si Leonil Babasol, 27, minyo, residente sa susamang dapit.

Sa inisyal report nasuta nga ang biktima nangiwag niadtong gabhiona sa dapit dihang kalit lang kining gipusil sa wala mailang suspetsado.

Giingong sa pagpkapusil pa sa biktima nadigyas pa kini hinungdan maayong pagkabali sa tiil niini.

Dako ang pagtuo sa pamilya niini nga giselosan kini hinungdan nga gipusil.

Gidala ang biktima sa Northern Mindanao Medical Center (NMMC) ning siyudad sa Cagayan de Oro diin biktima padayon pa nga giobserbahan sa mga doctor.

Ang Balingasag Police Station padayon pa sa pagsuta sa motibo sa pagpangluthang labina wala pa masuta kung kinsa ang responsable sa pagpamusil. (SVB)