MISMONG si FIBA Asia communications head S. Mageshwaran ang nagkanayon nga kinahanglang iuswag sa Philippine Basketball Association (PBA) ang skedyul sa Governor’s Cup aron makaduwa ang ilang labing maayong mga magduduwa sa Gilas Pilipinas alang sa kampanta niini sa umaabot nga FIBA Basketball World Cup.

“The third and final conference of the PBA, the Governor’s Cup, can be – and in my opinion should be – put off in support of the national team,” asoy ni Mageshwaran sa iyang column sa FIBA Asia nga migawas sa www.spin.ph.

“No league can survive or retain its credibility by denying the national team the time and space to prepare for an event as big as the World Cup. And any fan — including all those who steadfastly follow the PBA proceedings — would want their favorite players to don the national colours, given a choice.”

Ang Governor’s Cup nakatakdang mahuman sa tungatungang bahin karong Agusto, mga duha na lang ka seaman sa dili pa sugdan ang World Cup nga ipahigayon sa Spain sugod karong Agusto 30.

Sa miaging season, giusab sa PBA ang ilang skedyul sa Governor’s Cup alang sa pag-host sa nasod sa FIBA Asia Championship sa Manila. Ang resulta, nakalangkat og silver medal ang Pilipinas ug naka-qualify pagbalik sa World Cup sulod sa dugay na kaayong panahon.

“There are many interests — most of them vested — which are aiming to ruin the show.

But the PBA, as a collective unit which does believe in the development of basketball, should resist and win against these interests,” dugang ni Mageshwaran.