TAOD-taod na sab natong nasayran nga may “Kambal Sirena” ang Kapuso nga bituo­nan ni Louise delos Reyes sa papel nga kaluha.

Mao ni ang pagbalik fantaserye sa siyete ug mahimong leading man niya dinhi si Aljur Abrenica. Dinhi sab sa maong serye nagbalik-Kapuso ang Mickey Ferriols kay kini man ang mahimong inahan sa kambal sirena.

Sa Dos usab bag-o lang natong nasayran nga si Anne Curtis ang modala sa “Dyesebel,” diin duha ang mahimo niyang leading man: ang ex- boypren niya nga si Sam Milby sa papel nga syokoy ug si Gerard Anderson.

Ang Vilma Santos nga usa sa midala sa maong papel malipayon nga si Anne ang napi­ling modala sa bag-ong serye sa Kapamilya.

Bout biyaan na ni Anne ang isyu sa sinagpa-ay sa miaging tuig ug hangpon ang mga moabot kaniya karong tuig 2014. 

Samtang ang seryeng “Carmela” ni Marian Rivera ug Alden magsugod sa Siyete, nindot ra ba ang dagan sa istorya niini mahitungod sa usa ka babayeng daghan kaayong naagi-an sa iyang kinabuhi.

Sa Dos usab karong buwana na sab makita ang “The Legal Wife” ni Angel Locsin kauban ang mga beteranang artistang Mark Gil, Tirso Cruz III ug Rio Locsin, syemfre kapartner ini si Jerecho Rosales ug ang other woman si Maja Salvador.

“Sana bukas pa ang kahapon,” sa laing bahin, ang bag-ong serye nga sugdan sa ABS karong buwan sa Pebrero nga ang bida mao si Bea Alonzo.

Exciting na ang da­laga sa maong serye kay sa unang higayon tulo ka personahe ang iyang papel. Si Paulo Avelino ang iyang kapartner ug makauban sab niya si Susan Roces, Albert Martinez , Dina Bonnevie ug Iza Calzado. Mao ni pipila lang sa mga ser­yeng atong atangan sa Kapuso ug Kapamilya. Ay’g saba!

Pit Senyor, pista sa Senyor Santo Niño ug syemfre gawas sa mga novena ug uban pang relihiyosong kalihukan dili usab mawagtang ang nagkadaiyang mga kalingawan. Hapi bertday sa akong dugay nang higalang si Naring Tik-eng diha sa Minglanilla, ay’g saba!