AC Martin
Tagming
MANGABLI og balik ang UR-105, ang nabantog nga FM station niadto. Napalit na diay ni sa... matod pa sa akong source nga di kuno una nako isaba kinsay bag-ong tag-iya... pero obvious man kinsay nakapalit.
Niadto pa ning Agusto sa miaging tuig nila napalit ug puros na bag-o ang ilang ekipo, puros na digital.
Ah, basta kay nangita sila karon og station manager ug radio personalities. I-email lang ang inyong application ug resume ug 2x2 picture kang... boy.bosque@gmail.com
SAME OLD LINE
Gasgas na kaayo ning statement ni Billy Crawford uy.
Mao sad ning gigamit sa una ni Claudine Barretto nga puwerteng nakapanalipud nga dili kuno sila uyab ni Raymart Santiago.
Kay sila man untay magkuyog ni Rico Yan sa Palawan pag-Biyernes Santo niadtong Marso 29, 2002. Unya kay wa man mokuyog ang Claudine kay didto man siya nikuyog ni Raymart sa Subic.
Sa kaguol tingali kay ga-away-away sad sila niadtong panahona, gi-urom intawon si Rico Yan.
NAGMATAG MORNING
Mao sad ni gisulti ni Dingdong Dantes sa una nga dili sila uyab ni Marian Rivera samtang sila pa niadto ni Karylle.
Ug dihang nagkabuwag na sila ni Karylle. “We’re getting to know stage dayon sila ni Marian.”
Mao sad ni gisulti ni John Prats dihang na-link siya kang Bianca Manalo samtang sila pa ni Rachelle Ann Go, kinsa nagmata ra diayg morning. Unya, nia na sad karon si Billy Crawford nga nanguyab pa kuno siya nga kapila na sila nakit-ang nag-date ni Coleen.
Hahaay, showbiz!
THREE HOURS OF WAITING
Halos tulo ka oras naghuwat ang Cebu press nilang Kim Chiu ug Xian Lim sa Casa Amparito (kanhi Pino Restaurant) sa Lahug niadtong Biyernes.
Ala una medya ang presscon, niabot sila pasado na alas kuwatro. Namuti intawon ang among mga kalimutaw og pinaabot.
Pero in fairness walay ni-walkout. Thanks to Ms. Josie S. Pereyra, ang Star Cinema Regional Specialist, for providing us the needed spark to make things easy to bear the agony of waiting.
Way duda, kusog gyud si Kim kay pareho nilang napuno ni Xian Lim ang SM City-Cebu ug SM City-Consolacion atol sa promo show sa ilang pelikulang “Bride For Rent” nga showing na sa Enero 15.
NO FOLLOW-UP
Nag-sorry si Kim ug Xian sa press kon nganong nadugay sila kay niagi pa kuno sila sa lubong sa iyang mama.
Nag-radio tour sad sila sa ABS-CBN-Cebu ug sa wa pa sila nidiretso sa presscon, nibalik pa sila sa hotel aron mag-wash up. Mao diay!
Ang nakapahugno nako kay gilimitahan ra mi og 5 questions and we’re warned not to ask questions not related to their movie. Ganun?!
Pero nangutana gihapon ko uy. Pero dali kaayong nidagan ang ilang handler nga babaye padung nako ug giingnan ko nga “no follow-up question.”
Ugma, basaha ang atong Super Ka! nilang Kim ug Xian kay dunay bag-ong statement si Kim bahin sa press sa Manila.