GIBUTYAG ni Filipino boxing champ Manny "Pacman" Pacquiao ngadto sa iyang mga fans nga di na maglaum nga mahitabo pa ang pakigbugno niya kang pound-for-pound king Floyd Mayweather Jr.
Sumala sa kongresistang boksidor nga kalimtan na kini tungod daghang kondisyon ang ginapangayo ni Mayweather alang sa ilang away.
"He's been asking for so many conditions, which we have expressed intentions to abide by like drug testing, purse split and everything," ni Pacquiao.
Sayo niini, sa usa ka interbyu gisulti ni Mayweather nga di siya makig-away sa Pinoy Champ kung anaa pa kini sa poder ni Top Rank Promotions CEO Bob Arum.
"Habang tumatagal, nagiging lalong imposible ang hinihingi niya," dugang ni Pacquiao.
Dugay na ginapanawagan sa tanan sa tibuok kalibutan nga himuon na ang mega-fight tali Pacquiao ug Mayweather apan daghang isyu sab ang mogula.
Lakip na niini ang pagkapriso sa Amerikanong boksidor gawas sa mga kondisyon ug ang isyu sa buwis ni Manny sa Amerika ug dinhi sa nasud.
Ang pagka-interesado sa maong away nabuhi human sa pagkadaug ni Pacquaio niadtong Disyembre batok kang Brandon Rios sa Macau.
Gikonsiderar karon kung ugaling mahinayon ang Pacquiao ug Mayweather mao ang pinakadatong away mahitabo sa boxing ug posible matud pa nga mabuak ang tanang pay-per-view ug gate rekords.