DAVAO DEL SUR - Naandan nang tradisyon sa pipila ka mga lokal nga kagamhanan ang pagsaulog sa kapistahan ni Sr. Sto. Niño matag bulan sa Enero kada tuig.

Ang kagamhanang probinsiyal mopahigayon og Santos nga Misa sa lobby sa Kapitolyo karong Enero 15.

Dungan sab nga magsaulog ang lokal nga gobyerno sa dakbayan sa Digos sa maong kapistahan.

Adunay parada sa dalan nga himuon bitbit ang mga nagkadaiyang imahe sa Sto. Niño.

Bisan ang Davao del Sur Provincial Police Office (DDSPPO) nga nag-patron ni Sto. Niño sa ilang kapilya mohalad sab og Misa.

Apan sa Bansalan, aduna nay himuong pagsaway sa Sinulog sa mga kawani sa lokal nga kagamhanan nga mahitabo sa Enero 24.

Sa miaging tuig, gi-abrihan ang kompetisyon ngadto sa mga nagkadaiyang tunghaan sa Bansalan apan karong tuiga bugtong mga kawani na lamang sa munisipyo ang mosalmot sanglit wa na silay badyet sa pa-premyo.

Ang Sinulog nag-ugat didto sa siyudad sa Sugbo apan ginasundog na sa ubang mga Cebuano sa bisan asang parte sa nasud sanglit kini ang pinakasadya nga kapistahan sa mga debotong Romano Katoliko gawas sa itom nga Nazareno. (Orlando B. Dinoy)