Gipangsilutan sa PBA

PAREHONG gipamul­ta sa Philippine Basketball Association (PBA) sila si Jared Dillinger sa Meralco Bolts ug Calvin Abueva sa Alaska Aces a­­­pan nakalikay hinuon ang duha sa suspensyon ka­­bahin sa kagubot nga ilang gikalambigitan ni­adtong Enero 10.

Gianunsyo sa PBA ka­gahapon nga napa­hamtangan si Dillinger og P10,000 nga multa gumikan sa iyang pagtuok kang Abueva. Ang technical foul nga gitawag kang Dillinger gisaka ngadto sa flagrant/unsportsmanlike.

Si Abueva gipamulta sab og P10,000 gumikan sa pagbabag niini sa lay-up ni Dillinger nga maoy nakadugkat sa away. Ang gitawag nga technical foul kang Abueva gisaka sab ngadto sa flagrant/unsporstsmanlike.

Gawas niini, napahamtangan sab og P3,000 nga multa si Abueva gumi­kan sa flopping (pag-inarte).

Sa 4th quarter sa duwa sa Alaska ug Meralco sa Philippine Cup niadtong Biyernes, naigo sa kamot ni Abueva si Dillinger sa pag-layup sa naulahi.

Nagunitan ni Dillinger ug ang jersey ni Abueva hinungdan nga nagkadungan sila’g nga nalabay sa gawas sa korte. Dihang nakuha na ni Dillinger ang iyang balanse, iyang gituok si Abueva.

Ang kauban ni Dillinger nga si Gary David nakita sa video nga miaksyon og apil sa kasamok pinaagi sa paghana og kumo kang Abueva. Gipahamtangan og P5,000 nga multa si David. (Eralyn C. Mondejar, USJ-R Masscom intern)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph