DELAGASYON gikan sa tulo ka mga sister city sa Cebu City ang ania karon sa Pilipinas aron motan-aw sa ika-34 nga Sinulog Festival.

Kini gilangkuban sa Haarlemmermeer sa Ne­therlands, Yeosu sa South Korea ug Chula Vista sa California sa United States of America.

Ang mga representan­te sa maong mga siyudad ning-uban sa fluvial procession kagahapon sa­kay sa MV Amawa uban ni Mayor Michael Rama.

Si Atty. Leslie Reyes, international relation officer sa Cebu City Government, maoy niabi-abi sa mga bisita hangtod nahuman ang procession.

Ang City Government pinaagi ni Rene Mercado, chairman sa Metro Cebu Water District nikuha og pribadong yati aron adunay masakyan ang mga bisita gikan sa maong mga nasod nga way gasto ang City Hall.

Paghuman sa procession, si Reyes ug mga o­­pisyal sa maong mga siyudad ninglibot sa mga maanindot nga mga dapit sa dakbayan aron ipakita sa mga langyaw ang mga talan-awon sa siyudad.