SAMTANG nagpadayon ang Sinulog Grand Parade ug ang misa sa kapistahan ni Señor Sto. Niño kagabii, gitay-og og 2.7 magnitude nga aftershock ang Sugbo.
Sa website sa Philippine Institute of Volcanology and Seismology (Phivolcs), ang aftershock natala alas 7:02 kagabii ug ang epicenter nahimutang 68 kilometros amihanang-silangan gikan sa Tagbilaran City sa gilawmon nga 1 ka kilometros, ug tectonic ang sinugdanan.
Intensity II ang nasinati sa dakbayan sa Lapu-Lapu.
Niadtong Sabado sa gabii, 3.9 magnitude ang gikusgon sa aftershock nga nitay-og alas 11:42 diin napalgan ang sentro 35 kilometros amihanang-silangan gikan sa Tagbilaran City.