Lalaki miambak sa tulay

DAGHANG angulo ang gitutokan karon sa kapolisan sa kamatayon sa usa ka lalaki nga napalgang wala nay kinabuhi niadtong niaging adlaw sa tulay sa Camp 9, Laturan, lungsod sa Libona, Bukidnon.

Giila ang biktima nga mao si Dennis Barros Laano, minyo, residente sa dapit.

Si Police Officer 3 Arnold Ebueza, sa Libona Police Station, nibutyag nga duna silay mga anggulo nga gitutokan karong panahona hilabina napalgan kini ubos sa tulay ug nabunal ang ulo sa bato nga maoy gituohang hinungdan sa iyang hinanaling kamatayon.

Usa sa anggulo nga gitotokan sa kapolisan nga basin naghikog ang biktima gumikan sa report nga nagproblema kini sa giingong relasyon niini sa asawa apan padayon pa nga gisuta.

Ug ikatulong gitutokan sa kapolisan nga anggulo kay basin og aksidente lamang kining nahulog sa tulay gumikan kay gaagian man sab kini sa maong dapit.

Matud ni Ebueza nga giimbistigahan pa gyod nila og maayo kini nga insidente apan miklaro nga wala silay nakitang bakas nga gipanamas tamasan o duna bay responsable sa pagkamatay niini.

Gitambagan sab sa kapolisan ang kabanay sa biktima nga ipaubos sa otopsiya ang patay'ng lawas. (SVB)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph