GILUSAD sa Davao City Government's Security Management Office ug Traffic Management Office, sa maong han-ay ang year-week fitness program aron magpabilin nga himsog ang panglawas.
Gipangulohan ni Mayor Allan L. Rellon ang kalihukan ug miingon ngadto sa SMO ug TMO officers nga kini programa makatabang sa ilang trabaho diin nagkinahanglan og kaabtik ug kahimsog.
Gawas nila, miyembro sa organic team sa City Disaster Risk Reduction and Management Office apil sab sa fitness program diin lakip niini ang running, jogging or walking sa palibot sa New City Hall sa Barangay Apokon.
"We want to make running and jogging a way of life in Tagum," pahayag sa mayor.
Iskedyul sa programa kay matag Martes, Huwebes ug Sabado gikan alas 5 hangtud alas 6 sa buntag.
Tanang partisipante hatagan og log card aron personal nga marekord ang distansiya nga ilang gidagan matag session ug i-kompyut matag tuig.
Ang opisyal nga dunay pinakataas nga gidagan hatagan og award gikan sa local chief executive.
Mao sab kini ang gamitong basehan sa pagtaas sa puwesto o renewal sa ilang kontrata. (PR)