Mga tulisan miabot sa Sugbo; gipanid-an

NAILHAN na sa kapulisan sa Sugbo ang mga tulisan nga gikan sa Mindanao nga dunay plano sa pagpanulis dinhi sa Sugbo human sa Sinulog festival.  

Ang grupo nabantayan sa intelligence agents nga niabot dinhi sa Sugbo hinungdan nga nakigtigom dayon ang Regional Intelligence Division sa mga mall security officers ug managers aron pahimangnoan nga pahugtan pa ang ilang pagbantay.

Gawas niini, nakig-a­layon usab sila sa uban pang intelligence unit sa kapulisan lukop rehiyon aron mabantayan pag-ayo ang lihok sa grupo sa mga notadong tulisan nga una nang namatikdan sa wa pa ang Sinulog grand parade niadtong Dominggo.

Matod sa RID-7 nga du­na na silay identity sa gikatahapang mga tulisan ug gipangsakyan sa mga suspek.

Apan ila pa kining gi­panid-an kon asa magpundohan aron ila gilayon nga mapakgang ang planong pagpanulis dinhi.

Iya usab nga giawhag mga establisemento nga bisan kon dunay tinguha ang kapulisan sa pagpugong sa mga kriminal nga mohimo og krimen sa syudad sa Sugbo, kinahanglan usab nga magmontar sila og  close circuit television (CCTC) cameras alang sa daling kasulbaran sa krimen.

Ipaalerto na usab ni PRO-7 Director Chief Supt. Danilo Constantino ang ka­pulisan alang niini.

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph