USA ka amahan ang gidala sa balay tambalanan human naglaslas sa pulso sud sa ilang balay alas 9:00 sa gabii niadtong Huwebes didto sa Nile Green Street, Luzville Village, Barangay Panacan.
Ang nasampit nga amahan mao si Rene Villafranca, 37, negusyante.
Subay sa spot report sa Sasa Police Station, nakita na lamang sa iyang anak nga lalaki ang biktima nga nagbuy-od na sud sa ilang kuwarto nga nagkadugo tungod sa samad linaslasan sa pulso.
Una niini, naglalis ang biktima ug iyang asawa gumikan sa dyutay nga wa pagkasinabot.
Daling gidala ang biktima sa ospital diin anaa na sa luwas nga kahimtang. (Jeepy Compio)