Drayber patay human mi-overtake sa prime mover

DAVAO CITY - Patay ang drayber sa motorsiklo human mikawat og lugar kay mi-overtake sa naghaguros nga prime mover, ala 1:30 sa kaadlawon, Biyernes, didto sa Binugao, Toril, siyudad sa Davao.

Ang biktima mao si Edwin Tahod Pelayo, steel man sa Leighton contractors Inc., molupyo sa Inawayan, Sta. Cruz, Davao del Sur.

Subay sa spot report sa Toril police, nasayran nga mikawat og lugar ang motorsiklo nga gimaneho sa biktima sa prime mover nga si Robert Lofranco Cahimtong, taga Padada, Davao del Sur.

Dugang nasayran nga padung ang duha sa direksiyon Sta. Cruz dihang pag-abot sa dapit nasaghiran sa prime mover ang pagkawat og lugar sa motor hinungdan nga nadaro siya sa kalsada.

Sa kakusog sa impak, patay diha dayon ang biktima nga nalambos sa tuong bahin sa tractor truck kinsa kasugat pud niadtong orasa.

Ang patayng’ lawas sa biktima gidala dayon sa Villa Funeral Parlor sa Toril, samtang gihikay na ang pagpasaka'g kaso batok sa drayber sa prime mover. (Jeepy Compio)

Trending

No stories found.

Just in

No stories found.

Branded Content

No stories found.
SunStar Publishing Inc.
www.sunstar.com.ph