GITUBAG na sa kampo ni Floyd Mayweather Jr. ang hapit ni kanhi 8-time world champion Manny Pacquiao nga mag-away sila unya ang tanang kita ihatag nga do­nasyon sa nagkadaiyang charitable institutions sa kalibutan.

Alang sa uyoan ni Mayweather nga si Jeff Mayweather, ang gihimo ni Pacquiao timailhan lang nga desperado kaayo kining makig-away sa kasamta­ngang pound-for-pound champion.

Nidugang si Jeff nga usa kini ka pamaagi ni Pacquiao aron magpakiluoy aron lang madayon ang away.

“All that was a new way of begging for the fight, that’s all that was. Nobody fights for free,” batbat ni Jeff nga nakuha sa artikulo sa Yahoo.

“There are two reasons [why the fight never happened]. The first reason is: when Floyd first asked to fight Manny, Manny refused the drug test. The second time, Floyd offered him $40 million — more money than he’s ever seen in his life — and he turned it down because he thought they were equals, on the same playing field.”

Alang kang Jeff nga nagkinahanglan si Pacquiao kang Mayweather aron makakuha og dakong premyo.

Apan iyang giklaro nga wala magkinahanglan ang iyang pag-umangkon sa figthing congressman sa Sarangani Province.