GIHULGA na sa mga suspek nga nangulata sa TV host-actor nga si Vhong Navarro.

Kini ang gikumpirma sa manager ni Vhong ug direktor nga si Chito Roño.

Sulti pa ni Roño nga bisan karon nga nagpaayo pa sa ospital si Vhong tungod sa grabeng nahiagoman nga bun-og ug samad gikan sa mga suspek, padayon gihapong nakadawat og hulga ang aktor ug extortion pinaagi sa text messages.

Gipanid-an karon kung kinsa ang mga suspek nga nangulata sa aktor bisan ang babaeng higala nga nag-imbita kang Navarro aron moadto sa usa ka condominium unit sa Taguig.

Di gusto isulti ni Roño ang maong babae, apan nahibalo ang aktor kung kinsa ang nangulata kaniya.

Base sa report, boyfriend sa maong babae ang miatake kang Navarro human kini naabtan sa condo, apan way reaksyon dinhi ang kampo sa aktor.

Unang gisulti ni Roño nga gikilkilan sa mga suspek si Vhong, apan wa kini mihatag og kuwarta mao nga gikulata siya.

Karon pa lang, hinay na nga nasulti ni Navarro ang mga panghitabo tungod di kini kaayo maka-istorya human sa insidente.

Dugang ni Roño, Miyerkules sa gabii gitabangan si Navarro sa unom ka lalaki diin gitaptapan pa ang aktor ug gigapos sa silya.

Tungod sa grabeng nahiagoman niini, kinahanglan niya nga mopailawom sa operasyon karong aldawa.