MANILA- Sa dihang nagpa-interview si Vhong Navarro kang Boy Abunda  sa Buzz ng Bayan, unang na-mention sa komedyante ang pangalan ni Cedric Lee.

Sounds familiar ang ngalang gilitok ni Vhong. Pero sa kadaghang Filipino/Chinese sa Pilipinas, puwedeng kapangalan lang kini sa  boyfriend ni Vina Morales nga si Cedric Lee diin may usa silang anak, si Ciana.

Pero  tama ang kutob ko, si Cedric Lee nga amahan sa anak ni Vina og ang nangulata kang Vhong Navarro, usa ra.

Sa usa ka tv report related, na-drag na ang pangalan ni Vina  ingon man ang anak nilang si Ciana. May file video pa nga si Vina nga gipakita.

Kaniadto pa man, naka-elbow to elbow na ni Cedric ang mga sikat nga celebrity diin nakipag-sosyo pa siya sa negosyo sa magtiayong Jessica Rodriguez ug David Buenavacz pero scary ang ending sa pagka-business partner nila.

The other day, niatubang na sa media si Cedric. Barugan, ambungan ug kagalang-galang ang suot. Puwerte sad manulti.

Iyang giangkon nga ilang gibun-og si Vhong sa dihang iyang naaktuhan nga gikabay-an ni Vhong si Deniece Milenette Cornejo. Citizen’s arrest lang kuno ang ilang gibuhat, mao kunong ilang gitabangan ug gigapos si Vhong para dili na makawala hangtud sa gidala nila sa presinto.

Ang P1 million nga ilang  gipangayo kang Vhong (nga wala mahatag ni Vhong) dili kuno kini extortion kundi bayad sa mga nabuak nga mga gamit ni Deniece sa iyang condo.

Pati ang igsoon ni Cedric nga si Vernice, may dugang testimonya sad sa mga panghitabo kay nasaksihan sad kuno niya

KINSAY BIKTIMA?

Sa mga hulagway diin halos dili na mailhan ang dagway ni Vhong tungod sa bun-og sa iyang nawong, nibuhos ang simpatiya og kaluoy dili lang sa mga fans sa komedyante kundi pati na sa viewers nga  naluoy sa iyang kahimtang.

Nagpadayag pa si Vhong nga gikuhaan og video ang iyang private part og  gibidyuhan pa kuno siya nga kuning-kuning nga giangkon niya nga rapist siya  og gihimo kini ni Vhong tungod sa tumang kahadlok.

Nipatim-aw na si Deniece Milenette Cornejo sa media, walay luha nga nakita sa iyang mga mata pero matud pa niya, bisan og wala siya’y luha, siya kuno ang tiunay nga biktima.

Anaa sa usa ka undisclosed hospital pa sa kasamtangan si Vhong ug kanunay nga gapa­ngulba sa seguridad sa iyang pamilya ilabi na nga may mga tawo kunong umaaligid sa ilang balay.

Matod pa ni Bianca Lapus, iya nang gipaikyas ang anak nila ni Vhong  basin og tinuoron ang bahad sa mga nangulata kang Vhong nga kon mosumbong siya sa media, iangin nila ang pamilya ni Vhong.

Sa laing bahin, gipanghimakak na sa GMA 7 nga paryente ni Atty. Felipe Gozon si Deniece. May larawan nga nakita sa condo ni Deniece diin kauban niya ang Ehekutibo sa GMA 7 pero nagpa-picture lang kuno si Deniece  sa dihang nakita niya kini sa usa ka event.

Lisod timbangon kon kinsa ba ang nagsulti sa tinuod ug kinsa jud ang tinuod nga biktima. Basta for now, ang biktima mao si Vhong Navarro tungod kay siya ang nabun-og.

Hayaan na lang nato nga ang korte ang bahalang mo-determine kung kinsa jud ang makasasa sa nahisgutang gubot. Nakialam na ang NBI sa kaso ni Vhong kaya tan-awon nato kon mapadali ba ang hustisya.

May nakuha pa akong impormasyon nga ang banay ni Cedric Lee, hamugaway jud. Sila kuno ang nanag-iya sa usa ka sosyal nga beach somewhere in Dauin or Siaton, Negros Oriental named Antulang Beach nga paborito puntahan sa mga sikat nga celebrity.