Davao Norte lig-on gihapon bisan sa kalamidad

DAVAO DEL NORTE -- Nagpabiling lig-on ang probinsiya taliwala sa mga kalamidad nga nasinatian human nakalahutay gihapon sa milabay nga duha ka tuig.

Sumala ni Governor Rodolfo del Rosario, positibo ang nahimong dagan sa lalawigan luyo sa kadaut nga gibilin sa mga bagyo ug daut nga panahon sukad 2012.

Matud ni del Rosario, nakatabang og dako ang mga tabang sa kagamhanang nasyonal ug bisan sa internasyonal nga tinubdan aron makatampo sa P905 milyon nga provincial budget alang sa 2013.

Sumala ni del Rosario, dako kaayo og epekto sa probinsiya ang mga miaging kalamidad, sama na lamang sa Bagyong Pablo nga mibilin og kapin P4.6 bilyon nga kadaut sa agrikultura ug imprastraktura.

Gidayeg pod sa gobernador ang pag-ilin-ilin sa mga Dabaonon ug sa pribadong sektor labi na sa natad sa ekonomiya aron makahaw-as sa unos ang probinsiya. (Teddy Cabana)