ANG pagserbisyo ug pagprotekta sa katawhan usa ka kahimoan nga dili maangkon kung wala ang pagtuo, pagbati ug ang determinasyon sa kaugalingon.
Kini nasukip sa pagkatawo sa atong bida ning adlawa diin sulod sa dose ka mga katuigan, anaa miserbisyo sa kalibutan sa militar.
Ang atong bida niining adlawa mao si Captain Alberto Cailo Caber, ang hepe sa Public Information Office sa Eastern Mindanao Command.
Natawo niadtong Nobyembre 17, 1979 sa Western Samar diin iyang nahuman ang kursong Bachelor of Science in Criminology sa Leyte Colleges sa Tacloban City sa tuig 2002.
Sa samang tuig iyang nakab-ot ang lisensiya pinaagi sa pagpasar sa Licensure Examinations for Criminologist.
Pinaagi sa pagsunod sa amahan nga nahimong inspirasyon sa pagkab-ot sa maong papel, misulod dayon siya sa serbisyo human migraduwar sa kolehiyo.
Tuod man, gikan sa disiplina sa kaugalingon hangtud sa pag-atubang sa mga hagit sa kinabuhi nahimong dalan niini ang kaagi sa amahan isip beterano sa World War II sa tuig 1944.
Sumala niya nga ang pagserbisyo maoy usa ka damgo nga matinuod kung anaa pagtuo, pagbati ug determinasyon sa kaugalingon.
Dugang pa nga wala siya magtuo nga makab-ot niya kini nga butang sa kinabuhi human mitaliwan sa laing kalibutan ang iyang amahan niadtong 1988.
Sa tuig 2002, gisulod sa atong bida ang kalibutan sa Philippine Army, diin iyang mas labing nailhan ang kaugalingon isip kabahin sa kinabuhi sa uban diha sa pagprotekta kanila.
Nahimo siyang miyembro sa Officer Preparatory Course sa Officer Candidate School, diin diha gihulma ang training ug ang doctrine command sa tuig 2004.
Sa samang tuig, iyang gisugdan ang karera sa kinabuhi isip platoon leader ug executive officer sa Delta and Alpha Companies sa 5th Infantry (Swift Justice) Battalion sa Philippine Army's 1st Infantry (Tabak) Division nga naglibot sa Zamboanga del Sur ug Misamis Occidental.
Sa mga mosunod nga mga katuigan, nadestino ang atong bida isip Logistics ug Personnel officer ubos sa 5th Infantry Battalion.
Human niadto, gihimo siya isip commanding officer sa Alpha and Delta Companies sa samang battalion hangtud tuig 2011.
Sa maayong serbisyo, gituboy dayon siya isip hepe sa 1st Infantry Division's Public Affairs Office nga nadestino sa Office of the Army Chief Public Affairs sa Philippine Army's headquarters isip administrative officer niadtong tuig 2012 ug milabay ang unom ka buwan siya na ang hepe sa Public Information Office sa Eastmincom.
Diha dayon midawat ang atong bida og mga ganti ug pagdayeg nga gilangkuban sa Gawad sa Kaunlaran; bronze cross medals; military merit medals; Civic Action medals; ug daghang medalya, ribbons, plaques of appreciation, recognition ug commendations gikan sa nagkadaiyang kumander ug personalidad.
Apan human niini, unsa kaha ang mipahipi nga mga istorya sa kinabuhi sa atong bida uban sa pagkab-ot niini nga mga butang.
Mga higala ania ang pagkighinabi sa atong bida uban ni Sun.Star Davao Reporter Ivy C. Tejano alang sa personalityn profile section sa Sun.Star Davao.
PPS/SALUDO KAMI: Human nakab-ot ang pangandoy sa kinabuhi unsay nagpataliwa ning tanan?
ALBERTO C. CABER: Masaya ako sa narating ko. Sabi ko nga, if you have faith in God plus ambition, hard work, humility, and the passion and courage to work things out in a better way, kahit mahirapan ka pa, you'll succeed in life. Pag may tiyaga, may nilaga--totoo yan. Now, I'm proud to heed the concerns of the public.
SK: Sa mga panghitabo diha sa kinabuhi unsay imong panlantaw ug pagtuo diha sa panultihon nga 'Never give up'?
ACC: Life has been hard when he (father) died. I have to quit in school and assist my mother on the farm and other stuffs. Minsan di mo maiiwasan maiyak kasi nakikita mong mga kaibigan mo pumapasok sa school. Kahit wala na ako sa school, I never stop dreaming. I believed things will get better one day.
SK: Dunay pipila nga maayo ang kahimtang apan nagbulakbol sa pagtuon. Kanimo, unsay inspirasyon una nimo naabot ang entablado sa kalampusan?
ACC: Marami eh, maalala ko tuloy ang mga kahapon minsan ang nagbigay lakas upang marating ito. I went back to school after two years. Kinuha ako nang isang distant relative namin sa mama ko't pinag-aral ako. Habang nag-aaral ako, nag-tatrabaho pa rin ako. I was tasked to do the household chores, pag-iigib ng tubig at pagpapakain ng mga baboy. Ayos kasi nakapag-aral na ako ulit until nagtapos ako.
Tinuod ang giingon, 'Ang kapobrehon di maoy babag ngadto sa pagkab-ot sa mga mithi sa kinabuhi'.
Kung anaa ang pagtuo ug determinasyon sa kaugalingon, seguro gyud nga ugma damlag mosubang ang bag-ong mga bidlisiw sa kinabuhi aron dalhon kita sa atong mga mithi nga wa nato damhang makab-ot.
Kanimo Captain Alberto C. Caber, uban sa imong mga madasigon nga kaubanan sa Eastmincom sa Armed Forces of the Philippines saludo kami kaninyo!