PALTOS nga kampanya ug walay bisan usa ang miuwi og dungog sa bag-o lang nahuman nga 23rd Shell National Youth Active Chess Championships Grand Finals nga nahuman didto sa SM Megamall, Mandaluyong City.
Human sa ikaunom nga round niadtong Dominggo, silang Othniel Yulo ug Ronald Canino nalang ang nabilin sa pito nga qualifiers sa Cagayan de Oro City ang adunay mga tsansa.
Apan wala milahotay ang duha sa nahibilin nga tulo ka round sa 9-round Swiss System Tournament format.
Nitungtong si Yulo sa ika-pitong dapit human sa torneyo nga adunay 5.5 puntos susama sa iyang kababayan nga si Tristan Ibaoc sa 16-under Juniors division.
Anaa sa ikawalong dapit si Canino nga dunay 4.5 puntos sa 12-under kiddies division.
Bisan sa maong resulta, malipayon lang gihapon ang komunidad sa chess dinhi sa local tungod kay taliwala nga wala sila nakabitbit apan lipay lang gihapon kay mao ni nga tungora nga daghan nakasulod sa grand finals.
“Ok lang, at least, nagkadaghan ang mga qualifiers nato dinhi. Naa pa’y sunod tuig,” ingon ni Explore MisOr Chess president Fr. Vic Arellano.