GIINGONG usa ang siyudad sa Cagayan de Oro nga gakuhaan og mga porn materials nga dalahon ug ibaligya gawas sa nasod. Kini ang gibutyag sa National Bureau of Investigation (NBI) sa kaulohan.
Sa report sa Bandila sa ABS-CBN niadtong gabii sa Martes giingong ang Metro Manila, Pampanga, Davao, Cebu ug ning siyudad sa Cagayan de Oro maoy gakuhaan og mga porno materials nga ibaligya gawas sa nasod tungod kay halinon kini kaayo.
Didto sa kaulohan adunay mga nagpatuong mga call center diin trabaho mao ang pakig online chat.
Mismo ang mga kalalakihan mohimo og pakigchat sa langyaw ipakita laman nila ang hulagway sa mga babae ug mohatag na dayon og kantidad bugti niini.
Dako ang posibilidad nga gahimoun kini sa nagkalain laing probinsya dnehi sa nasod.
Kahinumduman apil ang nasod sa Pilipinas sa nasod nga kanunay motan-aw og mga porn site ug adunay daghan porn materials.
Gani ang chief sa Regulatory and complaint Board (RCB) ning siyudad nga mao si Atty. Beda Elot niangkon nga maglisod sila sa pagpangkumpiska sa mga porn material denhi sa siyudad tungod ka yang porn makita na dili lamang sa DVD nga gipamailgya apan mismo downloaded na sa mga cellphone ug uban pa nga materyales.
Tungod niini ila usab nga gibantayan ang mga internet cafe nga walay mga business permit diin sagad ang mga kabataan naimpluwensyahan gikan sa mga porn sites. (SVB)