BACOLOD

Villareal: Araw ng Davao

MILUNGTAD na sa ika-77 ka tuig ang selebrasyon sa pagkapundar sa dakbayan sa Dabaw diin nagpadayon ang paglambo nga nasinatian sa mga Dabawenyos.

Akong namatikdan nga matag tuig, ubos sa pagdumala ni Mayor Rodrigo R. Duterte, wala nay pagkunhod ug padayon kini sa paglupad kon sa Iningles pa, "taking off" na gyud ang dakbayan.

Dili lamang nato itandi sa ubang siyudad partikular sa Metro Manila nga maoy nakauna sa modernisasyon sa Pilipinas, apan kinahanglan nga mao kini ang atong kapanaminan nga sulod sa kapin gatus ka tuig nga padayong paglambo punting sa negusyante gikan sa gawas o langyaw nga kanasuran nakatutok lamang sa kaulohan.

Akong nahinumdoman nga usa ka higayon nakabisita si kanhi primo ministro sa Malaysia Mahathir Bin Mohamad (midumala sa Malaysia sulod sa 22 anyos gikan 1981 hangtud 2003), mibuhi og istorya nga nakaingon kuno siya og ang Pilipinas Manila lang ang lugar kon asa makabubo og puhonan. Ug Manila lamang ang lugar nga puwedeng maadtoan kon maghisgot og Pilipinas. Gisulti niya kini sa dihang gidala siya ni kanhi pangulong Fidel V. Ramos dinhi sa Mindanao agi sa dakbayan sa Dabaw. Matud ni Mahathir nga ang dakbayan sa Dabaw dili matawag nga backdoor sa Pilipinas, apan mamahimo diay usab kining intrada sa nasud.

Sa nahinumdoman nako nga pahayag ni Mahathir nahulagway nako nga ang Pilipinas daw usa ka train kay walay likod pulos atubangan - atras-abante lang ang dagan.

Sa laktod, sa milabay nga 77 anyos sa pagsagubang paingon sa kalamboan ug sulod sa 21 anyos nakita na sa Dabawenyo ang paglupad sa dakbayan.

Naigo ni Mayor Duterte kon unsay kinahanglan sa dakbayan sa Dabaw aron makabaton kita og kauswagan sa ekonomiya.

Sukad nga nahimong mayor si Rody, na-miyembro na kita sa gitawag og billionaires club. Buot pasabot nga nahilakip na kita sa mga siyudad sa Asya nga mikita og binilyon ka pesos nga income matag tuig.

Ang nakita nato karon, gikan sa inprastraktura paingon sa panginabuhi ug hangtud na sa kahimanan sa public safety paingon sa Central 911, indikasyon nga gahi na gukdon ang siyudad sa Dabaw.

Dili tema ang akong gipangita sa selebrasyon apan naa koy wish, nga magpadayon pa unta ang maayong liderato ug kalamboan sa siyudad. Mabuhay ika-77 ka tuig nga Araw ng Davao.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">



style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="4158864647">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph