OPISYAL na nga sulod ang Gilas Pilipinas sa ikaduha nga round sa nagpadayon nga 2015 Fiba Asia Championship kagahapon nga gipahigayon didto sa ChangSha Social Work College GYM, China.
Daan na kini sulod ang Gilas sa ikaduha nga round human nila matambak ang Hong Kong, 101-50, sa ilang ikaduha nga dula sukad sa ilang masubanon nga pildi sa Palestine sa preliminary round.
Kataposan nilang napildi sa preliminary round ang paglata sa Kuwait, 110-64, aron mahuman sa ikaduha nga pwesto sa bracket B nga adunay 2-1 win-loss record.
Nagulos si Terence Romeo sa Gilas sa iyang 19 puntos, samtang si Jason (Castro) William nipatak og 16 puntos sa kadaogan sa Gilas.
Sila Asi Taulava ug ang naturalized center sa Gilas nga si Andrei Blanche nipunit og dagkong rebounds nga adunay 10 ug walo sunod-sunod.
Top three matag bracket sa preliminary round moabante sa ikaduha nga round diin mabahin ang tanan sa duha ka grupo sa E ug F nga bracket.
Naplastar ang Gilas sa bracket E duyog sa Iran, Palestine, Japan, India ug Hong Kong.
Sa bracket F, anaa ang China, Qatar, Lebanon, South Korea, Kazakhstan ug Jordan.
Ang kampyeon ning tuiga nga Asia Fiba Championship diretso makadula sa 2016 Summer Olympics didto sa Rio de Janeiro, Brazil.
Ang mahuman sa ikaduha paingon sa ikaupat mosulod sa final Olympic Qualifying tournament.