BACOLOD

Laing LBC gitulis

BIGTIME nga mga tulisan nagsakay sa luhong sakyanan dihang nisakiyo sa P40,000 cash sa LBC money transfer kagahapon sa ala 1:05 sa hapon sa may Barangay East Poblacion, Moalboal, Sugbo.

Mga kawani gibilanggo sa mga tulisan sulod sa pansayan. Si Insp. Edgar Labe, hepe sa Moalboal Police Station nga nahinabi sa dySS Super Radyo ug Sun.Star Superbalita nagkanayon nga upat ka mga tulisan nagsakay sa kolor puwa nga Innova nga way plate number.

Ang teller nga si Esmeraldo Sambrano, taga Lawaan, Alcantara ug kauban nga si Danilo Sultan, 47, associate delivery man gipreso sa mga tulisan human sa pagsakiyo sa cash dayon nisakay sa Innova nga puwa paingon sa Alcantara.

Gibutyag ni Laba nga dunay duha ka customers niadtong higayuna nga mi-transact sa LBC. Pipila ka minutos human kini nigawas, ningsulod
ang duha ka mga tulisan.

Unang nisulod ang usa sa mga tulisan nga gibanabanang 20 anyos, medium build, 5”8 ang gitas-on ug nagkawo, nagsul-ob og maong pants ug puti nga t-shirt dayon nideklarar og tulis.

Gipangtiunan ang mga kawani sa dalang kalibre .45. Nisulod ang ikaduhang tulisan nga gibanabanang nagpangidaron og 50 anyos, 5’4 ang gitas-on, nagkawo, nagdalag knapsack ug nagsul-ob og maong pants, nagpolo shirt, armado og kalibre .45 nga pistola.

Si Sultan nitan-aw sa nawong sa mga tulisan hinungdan nga gibunalan og kalibre .45 ang ulo niini sa usa sa mga tulisan hinungdan sa pagbukol.

“Giduot siya (Sultan) sa sawog, giguroy paingon sa pansayan, lakip ang teller. Gibunlot, gipreso pag-apil kay wa makaabli sa vault,”’ dugang ni Labe.

Si Sambrano nangatarungan nga wa siya mahibawo sa numbers combination. Ang mga tulisan nangaykay sa mga drawer hinungdan nga nadala ang P40,000 nga kita.

Ang mga biktima gisultihan sa mga tulisan nga di mosuway sa paggawas sa pansayan kay di sila magmakuli sa pagpusil kanila.

Human nakuha sa duha ka tulisan ang cash sulod lang sa tres minutos, kalma nga nigawas sa LBC.

Wa makabantay ang mga mga silingang establisemento. Si Labe niingon nga nakuha gyud sa close circuit television (CCTV)camera sa LBC ang mga tulisan apan ila pa kining ipa-enhance aron maklaro og maayo.

Gibutyag ni Lave nga dunay mga batan-on nga didto sa atbang sa may vulcanizing shop nga nakakita sa maong Innova nga ni-parking og mga 30 minutos.

Niirog kini og gamay sa unahan dayon ang duha ka mga lalaki nanggawas ug nisulod sa establisemento.

Nakugang nalang sila kay dihang nisakay na pagbalik ang duha ka mga lalaki, nipadagan og kusog kaayo palayo sa lugar.

Nahibaw-an nila nga gitulis na di-ay ang LBC. Way gwardiya ang LBC nga may gilay-on gikan sa police station nga tunga sa kilometro, apan dunay
police nga sakop sa beat patrol niadtong higayuna mga 50 metros ang gilay-on.

Apan tungod sa kalimpyo sa execution sa pagtulis, wa nakabantay. Ikaupat na kining tulis sa lainlaing mga sanga sa LBC ning buwana.

Ang labing uwahi nahitabo sa dakbayan sa Bogo. “Dako gyud ni nga grupo nga professional ni sila kay sa ilahang gihimo, paspas kaayo unya nigamit pa sa luhong sakyanan,” dugang ni Labe.

Samtang mangayo sab silag kopya sa CCTV camera footage sa usa ka gasoline station mga 100 metros ang gilay-on sa lugar diin nakit-an ang maong sakyanan nga mi-agi.
style="display:block; text-align:center;"
data-ad-layout="in-article"
data-ad-format="fluid"
data-ad-client="ca-pub-2836569479021745"
data-ad-slot="1977900730">


VIEW COMMENTS
DISCLAIMER:

SunStar website welcomes friendly debate, but comments posted on this site do not necessarily reflect the views of the SunStar management and its affiliates. SunStar reserves the right to delete, reproduce or modify comments posted here without notice. Posts that are inappropriate will automatically be deleted.


Forum rules:

Do not use obscenity. Some words have been banned. Stick to the topic. Do not veer away from the discussion. Be coherent. Do not shout or use CAPITAL LETTERS!

sunstar.com.ph