GIDALA sa taxi driver ang usa ka babaye human nga gikawat ang iyang kuwarta human siya giingong nagpa-blow job alas 3:00 sa kaadlawon kagahapon, Sabado, didto sa dalang Monteverde, Barangay 27-C Poblacion.
Ang taxi driver giila sa alyas nga Mario, hamtong ang pangedaron ug molupyo sa usa ka barangay sa poblacion ning siyudad.
Sa impormasyon nga giasoy ni Police Officer 3 Bernard I. Aquino, duty desk officer sa Sta. Ana Police Station nasayran nga midangop sa ilang buhatan ang drayber bitbit ang babaye nga si alyas Shine, 18, dalaga, molupyo sa Barangay Leon Garcia, Agdao District.
Gisaysay matud pa ni alyas Mario nga nagpa-blow job siya kang alyas Shine sa ngitngit nga bahin sa may dalang Monteverde ning siyudad sud sa iyang taxi.
Apan namatikdan sa drayber nga hinay-hinay matud pang gikuot gikan sa bulsa ang iyang kuwarta samtang nag-blow-job ang babaye.
"Ingon sa drayber nga wala lang siya kay gi-blow-job siya. Diha na siya nasuko nga pagkuot niya sa iyang bulsa wala na ang P1,000 nga iyang gilahi kay boundary daw to niya," sulti ni Aquino sa Superbalita kagahapon.
Walay mabuhat ang drayber gumikan kay nanghimakak ang babaye nga gikuha niya ang kuwarta ug naningil pa hinuon kini sa bayad sa serbisyo, hinungdan nga midangop siya sa kapulisan.
Nasayran nga ang duruha naareglo hinuon sa pulis.