HELLO friends! It's Monday! First day high nga sagad tagline sa mga estudyante sa unang adlaw sa pagbukas sa klase. Kung mao kana, kinahanglan "soar high, aim high" kita sa sa pagtuon, di ba mga friends?
Okay, kay naghisgot ma ta og pagbukas sa klase, atong topiko karong adlaw mao ang pakunhuran ang adlaw sa klase gikan sa lima ka adlaw, karon himuon nga tulo nalang.
Gani, ang maong istorya nahimong headline sa Sun.Star Superbalita Cebu sa nakalabay nga adlaw.
Apan ang maong istorya, plano pa lamang sa Department of Education (DepEd) labi na sa mga tunghaan nga kuwang og mga lawak gumikan nagkadaghan ang mga nagpa-enroll sa pampublikong tunghaan gikan sa pribado.
Didto sa DepEd region 7 sa Central Visayas, posible kini nga mapatuman aron masulosyunan ang kakuwang sa mga classrooms.
Kung mapatuman kini sa mga lugar nga dunay mga kakuwang sa lawak, unsay epekto niini kung makita sa DepEd nga nauyonan sa mga tinun-an ang dagan sa pagpatuman niini?
Lagmit mahitabo kini sa tibuok nasud ugaling wala nay laing alternatibo nga pamaagi ang DepEd sa pag-atubang sa maong problema.
Mga higala, ania ang pamahayag sa spokesperson sa DepEd 11, ginikanan ug estudyante:
Pagpasabot
"Ang pipila ka tunghaan nato sa Region 11 dunay dugay na nga nagpahigayon og mga shifting classes gumikan gitan-aw nato ang kahimtang sa nagataas nga ihap sa mga estudyante. Mahimo ug mahitabo lamang kining pakubsan ang adlaw sa klase kung kini mando na gyud gikan sa kaulohan even from the division superintendent, apan wala pa gyud. Diri sa atoa naningkamot kita nga madugangan ang mga classrooms aron mahatagan ug matubag ang panginahanglanon sa atong kabataan diha sa pagpadayon sa lima ka adlaw nga klase sa usa ka semana." Jenelito 'Dodong' Atillo, pokesperson, Department of Education (DepEd) 11
Naguol
"Di ko pabor kung mahitabo na diri sa atoa. Unsa nalang ang masud sa hunahuna sa estudyante, di ba wala na? Di man ta makulang pod sa mga classrooms diri sa ato kay daghan man gani og gipangtukod karon nga mga building sa mga skuwelahan. Sa akong kabahin, maguol ko, kuwang ang makuha nga kahibalo sa estudyante." Magdalena S. Sebumpan, Government employee, Dapsa, Magallanes, Barangay 1-A, Davao City
Di puwede
"For me, it is really alarming dapat nga diyan hindi lang one hour ang lesson every subject, kasi kulang eh. Sa Science subject na kung isipin gusto mo pang hindi tapusin ang two hours with laboratory dahil gusto mo pang tuklasin ang resulta ng mga experiments. So, here, kung mabawasan ang number of school days, hindi seguro puwede." EJ Paquibot, Junior student, Holy Child of Davao College