DEAR Heartline,

Maayong buntag kanimo. Tawga lang ko sa pangalang Tatski, ulitawo. Naa koy uyab nga taga Davao. Nagbulag mi kay nagbalik sila sa iyang ex. Sakit kay dili gyud ko ka-move on. Mahal gihapon nako siya. Atong miaging bulan happy kaayo mi, wa damha nga maabot mi sa ingon ani. Unsay akong buhaton aron maka-move on nako.

Tatski 0946

*****

Tatski,

Wa bayay instant nga tambal ang pag-move on tungod matag usa kanato may nagkadaiyang pamaagi how to cope the pain.

But the best thing for you to do is accept nga nahitabo kini and let it go.

Yes, di man na mawala ang paghigugma kay nahimo man siyang kabahin sa imong life.

Tabangi ang imong self to move forward.

Ayaw ikulong ang imong kaugalingon kaniya.

Timan-i, may life sab ka nga angay i-explore.

Ani na lang, sige kag minatay og hilak sa iyang pagbiya, unya siya didto perteng tingsi kay happy kaayo uban sa iyang bf, di ka malain?

Sakto na ang pagdanguyngoy, friend. Dawata ang kamatuoran, sakit man kini, but sa imong acceptance, slowly maka forward ra ka.

Kadaghan pang babaye diha nga momahal nimo og tinuoray. Kay kung gi-love ka adto niya, di siya mobiya nimo.

Basin gihimo ra ka adtong 'pahungawan' ug dihang naging okay na sila sa iyang ex-bf, ayon nakigbalik.

Makakita ka pa og mas deserving, so enough of the drama. Daghang rason aron magmalipayon ka pa sa kinabuhi.