DEAR Heartline,
Tagua lang ko sa pangalan nga Jane from Sta. Cruz Davao. Dugay nako nagabasa sa imong column. Duna koy problema tungod sa akong gibati sa akong uyab. Everytime man gud di siya mokontak or else di siya mo-text nako, mora ko'g mabuang. Daghan nako'g gihuna-huna. Tapos naa pakoy problema, about sa akong monthly period. Last nako nga menstruation April 29 to May 3, tapos karon nga month wala pa gyud. Naa bayay nahitabo namo sa akong bf last May 25. Please tabangi ko bakit nagkaganun. Thank you.
Jane 0946
*****
Jane,
Normal lang man gyud nang maguol ka if dili motext or manawag nimo ang imong karelasyon.
Of course, anaa man kamo sa usa ka commitment, ug part na diha nga magpabiling buhi ang komunikasyon ninyo.
Sa maong aspeto, gikinahanglan ang tino nga pagsabot ninyo sa matag usa.
Way relasyon nga molampus kung wala kini.
A simple text, or pipila ka minuto nga tawag will do, to calm you, ug kini ang ipasabot niya. Di man siguro ni bug-at nga buhaton.
Or basin sab og busy siya mao nga wa dayon maka-text nimo.
Ayaw dayon paghuna-huna og dili maayo. Paghatag og trust sa imong karelasyon, ug ayaw tuguti nga tungod sa imong mga pagduda madaut hinuon ang inyong panag-uban.
Sa pikas bahin, sayo pa sab kaayo to say nga buntis ka tungod wa naka giduaw sa binulan nga regla.
You said, May 25 mo nag-sex sa imong partner, di pa man ta kasulti ana nga mabuntis ka agad-agad.
But, if ever molabay ang usa ka bulan ug wa gihapon ka dug-a, well, panukad na daan.
But, di man sa tanang higayon, nga wa dug-a, buntis dayon.
May mga medical explanations man sab nganong may instances ma-delay ang period.
But, if molabay na gani ang kapin bulan, still wa pa imong binulang bisita, much better nga magpa-chek-up kana or have a PT test.
Mao nay giingon nga kung nabalaka kang basin naburos ka, sana man lang before ninyo gibuhat ang maong aksiyon, naghuna-huna mo og kapila ka milyon.
Kabalo man mo nga sa inyong pag-iring-iring, dakong posibilidad gyud nga ikaw magsabak.
Heartline