GIKUMPIRMA sa aktres nga si Kylie Padilla nga bulag na sila ni Aljur Abrenica.

Say ni Kylie, ang aktor ang nakigbulag samtang nagbakasyon siya sa Australia.

Una siya milupad padulong Australia kay may problema na sila.

Apan giklaro ni Padilla nga walay third party sa iyang bahin.

Kini luyo sa isyu nga dunay something sa iyang leading man nga si Geoff Eigenmann.

Apan na-feel matud pa niya nga mas napadali ang pakigbuwag kaniya sa aktor tungod sa maong third party isyu diin migawas sab nga may relasyon sila Abrenica ug aktres nga si Louise delos Reyes.

Suko kaayo ang inahan ni Kylie nga si Liezel Sicangco ug gitambagan nga di na siya makigbalik sa aktor tungod kung giilad siya, buhaton na usab kini.

Kontrolado sab matud pa ang reaksyon sa iyang amahan nga si Robin Padilla bisan kahibalo siya nasuko usab kini.

Giangkon ni Kylie nga grabe siya nga nasakitan, apan nalampasan niya kini sa tabang sa pamilya ug mga friends nga nag-ampo alang kaniya.

Di abli ang aktres sa ideyang makipagbalikan kang Abrenica o bisan makighigala tungod nahadlok na siya.

Mensahe pa sa aktres sa kanhi nobyo, hinaut nga duna siyay natun-an sa nahitabo ug ampingan ang mga sunod nga makarelasyon.