USA ka fetus amg gisuwayan sa paglubong atubangan sa police station sa Mambaling, siyudad sa Sugbo.

Nadiskubrehan ang puya nga gisulod og plastic nga sudlanan sa ice cream pasado alas 6:00 kagahapon sa buntag.

Ang puya usa ka lalaki nga gibanabana nga 6 ngadto sa 7 ka buwan.

Si PO1 Joel Zamora sa Homicide Section nagkanayon nga usa ka lalaki ang nagkawot daplin sa dalan atbang sa police station ug may dala nga plastic bag ug sa sulod mao ang sudlanan sa ice cream.

Giduol ang maong tawo apan sa pagkakita nga nidool ang informant nga si Virgie Remulta, nidagan ang tawo hangtod nga naalarma ang mga tawo sa palibot ug paghiling niini, nakita ang fetus. (JFT)