SAULOGON sa mga molupyo sa lungsod sa Barili ang ika-400 nga katukoran sa lang parokya karong Hulyo 26 ning tuiga.

Ang parokya sa Barili naila nga Parroquia de Barili de Santa Ana.

Kini gitukod sa mga Katsilang misyonaryo niadtong tuig 1614 isip pahinungod sa inahan ni Birhen Maria nga si Santa Ana.

Ang simbahan maoy ikalimang labing karaang parokya sa Sugbo nga gikonsiderar isip cabeza del partido sa habagatan human nahimong sentro alang sa mga Kristyano niadtong 1600.

Sa pagsud sa ika-17 nga siglo, ang Parroquia de Santa Ana sakop niini ang daghang mga kalungsuran sa habagatang bahin sa Sugbo sama sa Pinamungajan, Aloguinsan, Dumanjug, Ronda, Alcantara, Moalboal, Badian, Alegria, Malabuyoc, Ginatilan, ug Samboan.

Sa pagkakaron, nagsilbing usa ka dakong ehimplo ang Parokya ni Santa Ana sa impluwensya sa Kristiyanismo di lang sa Sugbo ingon sa tibuok nasod.

Niini, may gihan-ay ang mga opisyal ug tagdumala sa parokya diin naghiusa ang simbahan ug lokal nga kagamhanan sa Barili alang sa mga kalihokan sa pagsaulog sa ika-400 ka tuig nga magsugod sa Hulyo 17 ngadto sa Hulyo 26 ning tuiga.

Si Jinky Pañares, liason officer sa Parish Pastoral Council (PPC) ug local government unit (LGU), nga ang pontifical mass tambungan sa 400 ka mga pari nga molupyo sa Barili ug nagsilbi sa parokya.

Midugang si Pañares nga duha ka novena ang ipahigayon matag adlaw diin himuon sa alas 10:00 sa buntag nga alang sa mga bisita ug ang ikaduha sa alas 6:00 sa gabii nga alang sa mga taga Barili.

Gawas niini, may ipahigayon usab nga photo exhibit sa mga imahe ni Snra. Sta. Ana., agro-fair, Kaumahan festival, sport tournaments, cultural exhibits ug heritage tours.

Ilusad usab ang libro nga naghisgot sa kasaykasayan sa Parroquia de Sta. Ana nga gisuwat sa nailang historian sa Barili nga si Azucena Pace.

(Melchor Dale Amor ug Kigy Aquino, CNU Comm Interns)