SAMA sa naandan, kumusta kamong tanan diha sa inyong nahimutang karon? Pun-i ang kakugi, friends, aron di ta maglisud, kay ang yawe niining tanan mao ra ang kakugi.
Padayunon nato paghisgot ang atong topiko kagahapon gumikan di gyud mawala ang mga nagkadaiyang suliran nga naglimin sa atong mga pampbulikong tunghaan sa tibuok nasud.
Pipila sa atong mga nahinabi kagahapon kinsa di buot magpamantala sa ilang hulagway nga nahimong inutil ang Department of Education (DepEd) sa pagtubag sa dugay na nga problema sa mga tunghaan.
Nag-unang problema nga mobalandra matag unang abli sa klase mao ang kakuwang sa mga lawak ug magtutudlo. Usa sa pagpamatuod niini mao ang 712 ka mga bata nga na-enroll sa kindergarten apan usa ra ang magtutudlo nga migunit niini.
Kung isipon, ang DepEd ang numero uno nga dunay pinakadako nga budget matag tuig, apan daw sa wa kini makita kung asa gibutang ang kuwarta.
Dyutay ra ang nadugang nga mga teachers samtang maayo og dunay mopatindog nga politiko sa iyang proyektong building aron himuon og classroon.
Gani, naka-save ang DepEd og P1.5 bilyon nga budget alang sa maintenance gumikan gibaha og donasyon ang mga tunghaan panahon sa Brigada Eskwela. Asa naman tong kuwartaha?
Mga higala, ania ang atong nahinabi nga mga magtutudlo ug inahan.
rKinahanglan conducive
"We are talking here about the learning. Gikinahanglan gyud nga dunay maayong mga classrooms ug dugangan ang mga school facilities. Unsaon pagkahibalo sa bata kung walay mga himan aron makab-ot ang conducive learning. Isa pa kining mga books, it should be properly distributed ug one is to one gyud ang ratio. Kung maingon ta nga layo na ta kung mag-agad sa books, why not dili ibutang ang mga computers nga dunay internet.
Ug kining hisgutanan sa benepisyo, anaa man wa magkulang ang DepEd, apan maingong kulang sa pipila mao nang ang uban teachers mo-abroad nalang." ~ Riza Mae Carbonilla, Teacher, Babak District, Island Garden City of Samal (Igacos)
r1:50 ang ratio
"Classrooms should be made in accordance to the increasing number of students. The ratio of each classroom should not be crowded as 1 is to 50 and above. The instructional materials must be provided in order for the teacher to teach creatively and for the students to really understand and learn the lesson with less difficulty." Luvmay Demain, SPED teacher/mother, Duplex, Barangay Talomo Proper, Davao City