DAVAO CITY - Giangkon sa New People's Army (NPA) nga sila ang nagtinir sa lima (di unom) ka Manila-based surveyors gikan sa Department of Environment and Natural Resources (DENR) tungod sa paglapas sa polisiya batok giingon nilang imperyalismong kontra rebolusyonaryong pagpaniktik ug pagdaut sa kinaiyahan sa Estados Unidos.
Si NPA Comval Davao Gulf Sub-Regional Command spokesperson Daniel Ibarra, sa iyang suwat pahayag nga gipadala sa media, nag-ila sa ilang bihag nga sila Nico Lasaca, Tim Sabino, Chrisandro Favela, ilang manager ug team leader nga si Ken Wong, pulos sakip sa Sky Eye UAV Services, ug Jonas Loredo, drayber sa car rental services.
"[The four were held detained] in culpable violation of the policy of the People’s Democratic Government for bringing surveillance gadgets, undertaking investigation of based guerrillas of NPA, and abetting the enemy’s counter-revolutionary campaign against the revolutionary forces and environmental plunder," tipik sa pahayag ni Ibarra.
Nakompiska gikan kanila ang usa ka sky surfer drone, duha ka multi-rotor drones, duha ka laptops ug GPS.
Ang lima, kinsa miabot niadtong Mayo 28 sa Compostela Valley, giingon nga ilang giaresto sa Barangay New Leyte sa lungsod sa Maco niadtong May 30.
Inisyal nga imbestigasyon gikan sa NPA nagpakita nga ang Sky Eye UAV gikuha sa DENR alang sa ilang greening program.
Ang upat ka personahe naghimo og mapping pinaagi sa aerial surveillance gamit ang drones nga dunay high definition cameras ug videos.
Ang tag-iya sa kompanya giila nga sila Matt Cua ug Carlos Ezekiel.
Ang kompanya nagsugod sa ilang trabaho niadtong 2013, nakabisita na ang ilang mga personahe sa Bislig City sa Surigao del Sur, Kapalong sa Davao del Norte, Monkayo ug Montevista sa Compostela Valley Province, Polomolok sa South Cotabato, Tacloban, Panay, ug Appari areas.
"The investigation was confirmed by the local government environment officials who earlier announced that they will tap a Sky High project using unmanned aerial vehicles (UAVs) or drones to pinpoint so-called illegal logging hot spots in Davao Oriental, Compostela Valley, and Davao del Norte," sulti ni Ibarra, kinsa midugang nga gi-tap ang UAV services sa pribadong kompanya nga nakabase sa Makati City, nga mao ang Sky Eye Incorporation.
"The NPA maintains that the DENR/Sky Eye anti-logging aerial reconnaissance is merely a pretext to intensify imperialist mining plunder and counter-revolutionary intelligence here in Southern Mindanao. [Its] motives is suspicious, considering that Maco is not a hotspot for logging as its forests are largely strip and its mountains mainly mineral-rich," suma ni Ibarra.
Siya nagsulti nga ang Sky Eye nagprotekta, kon wa gilambigit sa mining operations sa Maco ug kabukiran nga utlanan sa Pantukan ug Mabini, lugar nga kontrolado sa langyaw nga dagkong minero sama sa Apex Mining ug St. Augustine Mining Corp.
Dugang niya nga ang paggamit sa DENR og UAV layo sa pagpanalipod sa kinaiyahan, apan mao kini ang pagdepensa sa interes sa dagkong kompanya sa mina. (Alger P. Dura)