NANGHINAOT si Indiana Pacers president Larry Bird nga magpabilin sa ilang tugkaran ang umaabot nga free agent nga si Lance Stephenson alang sa sunod season sa National Basketball Association (NBA).

Si Stephenson, kinsa mahimong unrestricted free agent karong Hulyo 1, napuno sa pagsaway gumikan sa iyang mga aksyon batok kang Miami Heat forward LeBron James sa Eastern Confe­rence finals.

Gibadlong ni Bird si Stephenson nga unda­ngon ang pagpalagot kang James ug magtutok lang gyud sa duwa.

“I always want him back. You just don’t let talent like that walk away if you can help it,” asoy ni Bird.

Si Pacers headcoach Frank Vogel gusto sab nga mobalik si Stephenson.

“I’d like to see him back, clearly, but he’s a free agent,” pagtino ni Vogel. “It’s going to be up to him and [what] the rest of the offers look like, but I’m certainly hoping that he’s back.”

Si Stephenson nag-average og 13.8 puntos, 7.2 rebounds ug 4.2 assists karon nga season. (Reuters)