WA mabalaka si Nonito Donaire Jr. ug positibo nga subling maangkon ang kadaugan kontra South African fighter Simpiwe Vetyeka kung mahinayon man ang ilang rematch sa uwahing kwarter ning tuig.
Niadtong Sabado, nagsinukdanay sa ilang katakos ang duha ka boksidor didto sa Macau.
Bisan og nasamdan si Donaire sa wala nga kilay tungod sa headbutt, wa kini patarog, gilupig ang langyaw sud sa upat ka rounds.
Sa kadaugan ni Donaire, nailog niya ang WBA featherweight title nga suot
sa South African boxer.
"That's what I have said (rematch) but it will be the promoter that will decide on it. But we'll push that," ni Donaire.
Dili sab isyu kang Donaire ang sulti sa kadaghanan nga naglisud siyag pildi kang Vetyeka.
Suma niya, kung gipadayon lamang ang bugno, posibleng napahagba niya kini.
Giundang ni referee Luis Pabon ang away usa ka segundo human gisugdan ang fifth round tungod migrabe na ang samad sa kilay ni Donaire.
Apan una pa man giundang ang duwa napatumba ni Donaire si Vetyeka gamit ang left hook aron maangkon ang 49-46 nga kadaugan sa scorecards gikan sa tulo ka hurado.
"When I decided to take control of he fight, nakuha ko siya agad. If given one or two more rounds, I would have been able to make it (knockout win) happen. Sa rematch, alam ko na ang movements niya, ang reach niya. Mas matangkad pa rin siya sa akin pero alam kong mas mabilis ako at mas malakas ako sa kanya," dugang sa Pinoy boxer.
Aminado si Donaire nga kuwa pa ang gipakita niya sa ilang bugno ni Vetyeka.
"Hindi pa ito ang best ni Donaire. Second time na kaming magkasama pero hindi pa kami mabuo. Gusto kong makita sa kanya na makuha from first round to 12th round na kaya niyang laruin ang laban. We're not looking at a one-punch knockout," sagbat sa amahan ug trainer nga si Nonito Sr.
Sa kasamtangan, pahuway una si Donaire samtang nagpaalim sa naangkon nga samad.
Mibiyahe ang pamilyang Donaire padung Boracay ug mobalik sa kauluhan, Dominggo.
Sunod semana mobiyahe na sab pa-Estados Unidos si Donaire.
Tulo ka bulan una mopahuway ang bokser una mobalik sa gym aron magpa-kondisyon.
"Compared to my previous fights, mas mabilis ang footwork ko. Pero wala pa akong gaanong combination. I have to go back to the gym and start early. My goal is to be three times move faster and stronger that this fight," pahayag sa 31-anyos nga kampeyon.