DEAR Heartline,

Maayong adlaw diha nimo. Tagua lang ko sa ngalan nga Ana. Naglibog ko sa akong gibati kay naa koy uyab na tuig kapin pud mi nag-uban. Gibiyaan nako siya kay tungod nahadlok ko moabot ang panahon nga maminyo mi nga wala siyay tarung trabaho. Wala nakoy text-text niya sukad adtong pagbiya nako niya. Nakakita kog laing uyab na tarung, ug naay trabaho, pero ang akong gugma naa gihapon sa akong unang uyab.

Ana 0909***

Hi Ana,

Normal lamang nga kung anaa kita sa usa ka relasyon, maghuna-huna gyud kita og long-term nga kapaingnan sa panag-uban.

Nakigrelasyon kita uban ang paglaum ug paghandum nga sila na atong maka-uban for the rest of our lives.

Pero sana, una man ka mibiya anang tawhana, imoha sa siya nga gihatagan og tsansa nga maka-isplikar ug madungog ang iyang kabahin.

Di tungod wa siyay tarong nga trabaho karon ingon ana na gyud siya hangtud sa hangtud.

Basin diay og nanukad na siya sa pagpangaplay karon, ug nangitag pamaagi nga matuman sab ang iyang mga damgo sa kaugalingon ug sa iyang umaabot nga pamilya.

Una makigrelasyon, better ready kana aron di mahug nga 'bounce' ang relasyon.

If may mga pagduha-duha ka karon, then pagdecide sa inyong kaayuhan.

Ayaw ipugos sa imong kaugalingon ang butang nga lisud buhaton. Be honest to yourself. Be honest sa tawong nagmahal nimo.

============

Nanguyab sa text

Dear Heartline,

Good day po. I'm April taga Cotabato, usa ko ka-teacher. Mangayo lang unta ko og advice about sa akong lovelife. 21 ko, single. Naay nagapanguyab nako, maestro siya, pero sa text ra man siya nagpagawas sa iyang gibati. Dili pud katuohan murag dili man gud tinud-anay. Unsa man ang akong buhaton.

April 0912

Hi April,

Ayaw dayon og tuo anang panguyab nga i-agi sa text.

Kay kung seryoso pa siya nimo, maestro man sana siya ug he knows for sure unsay mas justifiable nga pagpanguyab sa char-char lang, moatubang na og tarong nimo.

Ibutang nato nauwaw siya, pero siyempre diba, if you want to win a woman's heart, kaunon nimo imong kaulaw, maningkamot gyud kang mapakita ang imong best, aron lamang tagdon ka sa imong naibgan.

Mas maayo man gyud ng sa personal mo magka-istorya, personal sab niyang mapadayag ang iyang gibati.

Kalma lang te, ayaw dayun padala sa imong nag-uros-uros nga emosyon.

Ingna na si sir, kung tarong siyang lalaki, atubangon kag ingon nga gihigugma ka niya.

Di nang i-agi og text, unsa diay ng gugma, ka-level na lang sa simcard? Chaka na!