MITAHO sa Police Station2 sa Cogon ang usa ka lalaki human gituohang gibitbit ang iyang gibilin nga plastic bag nga adunay sulod nga mga gadgets sa iyang motorsiklo sa parking area atubangan sa usa ka mall sa Barangay 24 ning siyudad sa Cagayan de Oro mga alas 8:30 sa gabii.
Ang biktima nga si Aurito Arreza, 62, minyo ug residente sa Block 20, Lot 4, Highcent St., Villa Candida Subdivision, misaysay nga samtang giparking niya ang iyang motorsiklo atbang sa Ayala Centrio Mall, kumpiyansa siyang gibiyaan ang duha ka plastic bag nga adunay mga mahalong butang.
Dugang pa niini nga gibilin niya sa usa ka guwardiya ang iyang plastic bag nga gisudlan sa cellphone nga Myphone brand kolor puti nga adunay earphone nga mobalor sa P10,000 ug headset kolor itom nga mobalor usab ug P10 mil.
Samtang pagbalik niini gikan nanihapon sa Gerry's Grill nga nahimutang sulod sa nasangpit nga mall ug sa pagpauli na niini nadiskubrehan sa biktima nga wala na ang giingong duha ka plastic bag.
Ang kaso gisunod na sa mga kapolisan sa Police Station 2 sa Cogon alang sa dugang nga impormasyon ug imbestigasyon. (KCS)