NANUMPA ang mga local chief executives (LCEs) gikan sa nagkadaiyang lungsod atol sa Provincial Risk Reduction Management Summit nga gipahigayon kagahapon sa Grand Caprice, Limketkai Center, siyudad sa Cagayan de Oro.
Isip mga pangulo sa disaster risk reduction management ingon man climate change adaptation ilang gipaningkamotan aron maproteksyunan ang lungsod pinaagi sa paglikay ug pagpakunhod sa lisod nga sangputanan sa katalagman nga makaapekto sa komunidad; pagpangandam ug pag umol sa kaarang sa komunidad ug managana kung unsay sangputanan sa katalagman; pagtubag ug pagsiguro sa pag-amping sa kinabuhi ug katigayonan sa naapektuhan nga komunidad; pagbalik sa panginabuhian sa naapektuhan ug pagpausbaw sa lokal nga kahimanan ug mga infrastraktura human sa katalagman; pagpahinulos ug aplikasyon sa pamaagi nga natun-an; pag-andam sa mga disaster risk reduction management plan ug action plan ingon man tanang local development plan; pakigtambayayong sa nasudnong kagamhanan, pagpaniguro ug pagpanalipod sa lungsod batok sa mga binuhat nga kalamidad; ug pag-alagad sa katawhan ug pagtabang bisan paman lahi ang gituohang rehiyon gisakupan o kultura. (SVB)