MAGSANGKA og balik ang Southwestern University (SWU) Cobras ug De La Salle University (DLSU) Green Archers sa semi-finals sa FilOil Flying V Hanes Premier Cup nga ipahigayon ugma sa FilOil Flying V Arena sa Manila.

Kini human gipalagpot sa Green Archers ang Far Eastern University Tamaraws, 94-89, kagahapon sa quarter-finals.

Ang Cobras, nga maoy bugtong Cebu-based team nga nakalusot sa elimination round, nakasulod sa semi-finals pinaagi sa pagpukan sa Jose Rizal University (JRU) Heavy Bombers, 65-57.

Nasurpresa ang ka­dag­hanan sa kadaugan sa Green Archers batok sa mas inilog nga Tamaraws.

Sa wala pa ning duwaa, ang Tamaraws wa­la’y pilde sulod sa unom ka mga duwa.

Sa semis, adunay ga­mayng psychological advantage ang Cobras batok sa Green Archers.

Kini gumikan kay gi­pukan man sa Cobras ang Green Archers sa ilang engkuwentro sa semis.

Taas gyud ang moral sa Cobras ning sangkaa tungod kay napamatud-an nila nga kaya nilang mokombati sa teams gikan sa Manila.