NABUTANG sa ikatulong puwesto ang tim Mulatto Davao sa 3rd Philippine Ultimate Championships Nationals 2014 bag-ohay lang didto sa E-Park sa siyudad Tagum.

Sa pagpangulo ni Nelson-Cañedo, gipildi nila ang South Side Guerillas sa Davao City, 12-7, aron makuha ang ikatulong puwesto human mapakyas sa Extreme Dumaguete sa Visayas, 11-12, sa semi-finals sa national Frisbee event nga 18 ka tims ang nagsangka lakip na ang aktor Derek Ramsay's team Sid Vicious.

Ang Extreme Dumaguete maoy mikampeyon samtang ikaduha ang Boracay Dragons.

Ang tanang midaug nakadawat og medalya ug tropeyo gikan sa nasyonal event nga giorganisa sa Philippine Ultimate Association (PUA) ubos ni Peng Manlapaz.

Sayo niini, gipalukapa sa Mulatto Davao ang two-time defending champion Sunken Pleasure sa Luzon, 12-11, sa quarter-finals.

Samtang ang tim makigtakus sab sa Malaysia sa Hunyo 28 alang sa Malaysia Ultimate Open Tournament. (Marizz S. Robilla)